Bandarísk samtök þýða bækling um fósturskimanir á íslensku

Bandarísku samtökin National Down Syndrome Congress og Global hafa tekið höndum saman um að gefa út 2. útgáfu bæklings síns um fósturrannsóknir í tengslum við Downs-heilkenni, sem er fáanlegur á ensku, spænsku og nú á íslensku.

Þessi 2. útgáfa byggist á fyrstu skoðanakönnuninni á þessu sviði sem lögð var fyrir verðandi mæður og heilbrigðisstarfsfólk á landsvísu í Bandaríkjunum og er fáanleg bæði rafrænt og á pappírsformi endurgjaldslaust.

Downs-félagið er afar þakklátt hinum bandarísku samtökum fyrir að hugsa til okkar og þýða bæklinginn á íslensku. Bæklingurinn er aðgengilegur á heimasíðu samtakanna : https://www.globaldownsyndrome.org/prenatal-testing-pamphlet-icelandic/