Stjórn
Inga Guðrún Kristjánsdóttir, formaður
Inga Guðrún er menntaður kennari, náms og starfsráðgjafi, uppeldis- og menntunarfræðingur og síðast en ekki síst með gráðu í afbrotafræði. Síðustu ár hefur Inga kennt aðferðarfræði við Háskóla Íslands og leiðbeint nemum við lokaritgerðarskrif. Inga á þrjá unga drengi með manni sínum og yngstur er Styrkár Gauti með Downs heilkenni.
Hildur Gottskálksdóttir, ritari
Hildur starfar hjá Íþróttafélaginu Gerplu sem fjármálastjóri. Hildur á fjórar frískar og fjörugar fimleikadætur og er sú næst yngsta með Downs heilkenni, hún Bylgja Björt.
Sandra Björg Steingrímsdóttir, gjaldkeri.
Sandra Björg er menntaður lyfjafræðingur og starfar sem slíkur við Apótek Vesturlands. Sandra á þrjá drengi og sá yngsti, Emil Daði er með Downs heilkenni.
Karen Dagmar Guðmundsdóttir, meðstjórnandi
Karen Dagmar er móðir þriggja ungra drengja og einnar uppkominnar unglingsstúlku.
Yngstur drengja Karenar er Matthías.
Benedikta Birgisdóttir, meðstjórnandi
Benedikta er grunnskólakennari og hefur unnið í Barnaskólum Hjallastefnunnar frá árinu 2006. Hún á tvö börn, stelpu (fædd 2000) og strák (fæddur 2005) sem heitir Garðar og er með Downs heilkenni. Þetta er í annað sinn sem Benedikta situr í stjórn félagsins.
